فى بوست فات بتاع تلبس هتخش الجنه تقلع هتخش النار , اتكلمت فيه عن الاغانى الفظيعه اللى بتشتغل فى الميكروباص وبالتالى انا بسمعها
بس الحق يقال زى مافى سواقين بيشغلو اغانى من النوعيه دى , فى سواقين متدينيييييييييييين جدا وبيشغلو خطب وقران .
النهارده بقى راجعه من الكليه فاصله جداااااااااا ورايحه اركب لاقيت ميكروباص نضيف جداااااااااا وبستاير كمان .
قلت خير اللهم اجعله خير , المهم ركبت .
وبمجرد الرحيل ( وليتنى لم استعجل الرحيل ) زى ما غنت نجاه .
لاقيت السواق شغل شريط وفيه راجل عمال يزعق جااااامد جداااااااا , واول كلمه سمعتها حرررررررررررررام وكاااااااااااافره
هتدخل النار .
بصراحه اتفزعت , مين دى يا عم الشيخ الكافره اللى هتدخل النار .
راح الشيخ فى الشريط رد عليه وقال , المرأه هتدخل النار اللى مش ملتزمه .
طيب ايه يا شيخنا تعريفك للمرأه الغير ملتزمه .
بصراحه الشيخ جوه الشريط جاوب بالتفصيل الملل عن كل حاجه ((((( للاسف اتكلم عن اللبس بس)))))))))
وقال طبعا كل حاجه حررررررررررررام وهو بيزعق وانا اقوله هدى اعصابك ماتتنزفزش البلد محتاجه امثالك
لكن تقول ايه بقى مصمم يزعق
المهم قعد يوصف المرأه جزء جزء ( تقوى بقى ) ويقول ايه اللبس المناسب , طبعا لازم نقاب خصوصا فى الزمن ده ولازم يكون ا سدال طويل مينفعش تايير حتى لو واسع .
بس الحق يقال الراجل قال نلبس اللون اللى عايزينه
ماعدا الالوان المتداخله ,,,,,,,, يعنى ايه يا عم الشيخ ؟؟؟؟؟؟
يعنى البسى لون ساده
وقال بالنص """""" الكاروهات حررررررررررررررررام"""
اشمعنى الكاروهات يعنى ,؟؟
المهم قال الكعب العالى حررررررررررررررررررام
يعنى يا عم الحاج ازاى اللبس الطويل اللى انت عاوزه مع حاجه من غير كعب ( عاوز البنت تتكعبل يعنى )
انا سمعت ان الرسول قال حرام البس يكون طويل اوزى ويوصل للارض
المهم كلام الراجل ده تأثير كلامه على اللى كانو راكبين كان حاجه من الاتنين , يا اما كلامه كان مقزز ومنفر يا اما كلن مفزع .
واحيانا مضحك .
انا قلت برده انى مره كنت راكبه ميكروباص لقيت راجل بيزعق فى الكاسيت والظاهر انه نفس الرجل
وعمال يقول حرام البنت تشتغل وحرام مدرس راجل يدى فى مدرسه بنات!!!!!!!!!
طب ازاى ؟؟
طيب مين اللى هيعلم البنات يا عم الفيلسوف والمشرع .
المهم اللى انا عاوزه افهمه ليه الناس دول متبعين مبدأ التنفير ومبدأ الخوف من النار وعذابها .
ليه مش بياخدو الطريق الاحسن وهو طريق التحبيب فى الجنه؟؟؟؟
اكيد الناس غالبا مقصره بس هل هما كفره؟؟؟؟؟
اكيد الالتزام فى اللبس مهم بس هل هو المقياس؟؟؟؟
هل الاخلاق والتمسك بالمبادىء والقيم مالهمش علاقه بالتدين ؟؟؟
هل كل الناس المحترمه اللى نعرفها كافره ... عشان مش لابسه بالمواصفات اللى قال عليها عم الشيخ ؟؟؟؟؟
بجد حراااااااااااااااام ,,,,,,,, انا بقى اللى بقوله حرام وانت مش فاهم حاجه . مش كل حاجه تقولها نقول امين
ايوه .....انت غلط
انا عن نفسى بحب اسمع الشيوخ اللى مش بتزعق
الناس اللى بتتكلم عادى زينا
الناس اللى مبتسمه دايما وبتحببنا فى الجنه مش تفزعنا مش النار
بحب مصطفى حسنى ومعز مسعود وخالد الجندى
يمكن فى ناس مش متفقه معاهم بس بجد هما اللى بيدخلو القلب , هما اللى يحببوك فى الالتزام .
يقولولك انت كويس بس عاوزينك تبقى احسن , مش الناس التانيه اللى تتهمك مباشره بالكفر.
بجد الدنيا دى محتاجه تظبيط جامد جداااااااااا
اكيد مش انا اللى هظبطها لانى من الناس المقصره جدااااااااااا
بس ع الاقل مش هسمع للناس اللى بترجعنا لورا .
الناس اللى مش حاسين اننا فى زمن محتاجين نطبطب على الناس وناخد بايديهم مش نكفرهم
بجد تعبت من الشرايط دى ومن اصواتها ومن فرضها عليه .
فى النهايه اللى اقدر اقوله وسط كللللللللل ده
لسه أدرى
